У Беларусі з 1 снежня ўвядуць змяненні для тых, хто здае ў арэнду нерухомасць. Гаворка пра абнаўленне формы дамовы арэнды. Гэта прадугледжанае пастановай урада.
«Важная навіна для тых, хто здае кватэру, — папярэджвае агенцтва нерухомасці „Твая сталіца“. — Разлікова-даведкавы цэнтр не прыме ў вас старой формы дамовы арэнды, будзьце ўважлівыя».
Саўмін з 1 снежня гэтага года сярод іншага абновіць наступныя формы дамовы:
- арэнды жылога памяшкання прыватнага жыллёвага фонду грамадзян;
- арэнды (субарэнды) нежылых памяшканняў;
- арэнды жылога памяшкання прыватнага жыллёвага фонду грамадзян;
- арэндаваныя (субарэнды) машына-месца.
Абноўленая таксама форма тыпавой дамовы арэнды жылога памяшкання (часткі жылога памяшкання), якое належыць абавязаным асобам на праве ўласнасці.
Нагадаем, гэтай жа пастановай урада прадугледжаныя і іншыя новаўвядзенні. Напрыклад, з 1 снежня ўвядуць абмежаванні што да пераразліку плацяжоў за некаторыя жыллёва-камунальныя паслугі для тых, хто не жыве ў сваім жыллі больш за дзесяць сутак. Гаворка як пра выезд за мяжу, так і пра перамяшчэнне ў межах краіны.
Цяпер беларусам, якія больш за дзесяць дзён не жывуць у кватэры (у якой зарэгістраваныя — прасцей кажучы, прапісаныя), могуць пераразлічыць плату за некаторыя камунальныя паслугі. Прычым тэрмін, за які магчыма вярнуць частку грошай за асобныя ЖКП, не прапісаны: хоць за год, калі чалавека столькі не было ў жыллі, хоць пяць гадоў. Але ёсць спіс падставаў, на якіх могуць зрабіць такі пераразлік.
Цяпер жа ўрад вызначыў, што перагляд плацяжоў магчымы не больш чым за тры гады.
Чытайце таксама
