Прадукцыя, якую выпускаюць пад брэндамі «Ролтан» і «Біг Бон», можа знікнуць з паліцаў беларускіх крамаў. Пра гэта гаворыцца ў інфармацыйным лісце, які апублікаваў у сябе ў Instagram фудблогер koko.by.
У апублікаваным дакуменце гаворыцца, што ТАА «ЮниСтор Групп» у Беларусі" ўведзеная забарона ўвозу, рэалізацыі, захоўвання і выкарыстання харчовай прадукцыі вытворчасці расійскага ТАА «Маревен Фуд Сэнтрал»".
У інфармацыйным лісце прыводзіцца пералік прадукцыі, якая трапіла ў бан. Пад забаронай аказаліся курыны булён, запраўка для баршчу, макаронныя вырабы, вермішэль, крэм-суп і бульбяное пюрэ «Ролтан», а таксама локшына «Біг Бон».
ТАА «Маревен Фуд Сэнтрал» — расійская даччыная кампанія міжнароднай групы Mareven Food Holdings Ltd., якая спецыялізуецца на непасрэдных інвестыцыях у распрацоўку, вытворчасць, дыстрыбуцыю прадуктаў харчавання і напояў. Сярод брэндаў кампаніі — «Ролтан», «Біг Бон», Sunbel, Rollberry і іншыя.